Right column:

hüve

Qıyāmet güninde ḥaqq qāḍī olduġı yėrde
Benüm suʾālümi vėrürsün yüri
Kemligüm yoġdı saña qaşları kemān
Engeli mihmān görürsün yüri

Alubañ [!] çün yabana atdun beni
Aqıtdun gözümden yaş‑ile qanı
Gölgeden güneşden ṣaqındum seni
İnṣāf‑mı yādlara yār olasın [?] yüri

Mecnūn bekler Leylāsunı ararsa
Ferhād oldur Şīrīnüni ṣorarsa

Left column:

Āh ėtdükçe qara baġrum ezerse
Senüñ‑de yüregün ezilsün yavrı

ʿĀşıq‑mıdur ʿışq yolında yürüyen
Ḥāṣılum olur būr dūḥānla [!] urulan
Seni benden ġayri sevüp ṣarılan
Nā‑merdün qolları qurusun yüri

Herkes ne ėtdiyse gendüne ėtdi
Ayrılıq fürqati cānuma yėtdi
Muṣṭafā Baġdāda ġazāya gitdi
İmāmlara yüzler sürelüm ā yüri